Մալդիվյան կղզիները Հնդկական օվկիանոսի հասարակածային ջրերի սիրված հանգստավայրերից  և լավագույն էկզոտիկ ուղղություններից են: Այստեղ կա 1190 կղզի և դրանք բոլորն ունեն երկնագույն ծովախորշեր, ավազե ծովափեր և յուրօրինակ բուսականություն: Լիակատար հանգստի համար բոլոր պայմաններն առկա են.անդորր, գեղեցիկ բնություն, հարուստ ջրային աշխարհ, ինչպես նաև լավ հյուրանոցներ ու սպասարկման բարձր որակ:

Կլիման

Մալդիվյան կղզիներում կլիման տաք է և խոնավ: Օդի ջերմաստիճանը ցերեկը մոտ +30°C է, իսկ գիշերը +26°C, ջրի ջերմաստիաճնը՝+26 °C: Հասարակածին մոտ գտնվելու շնորհիվ մուսոնային եղանակային փոփոխությունները գրեթե աննկատ են: Հարավ-արևմտյան մուսոնի ժամանակ (մայիսից հոկտեմբեր) անձրևները հաճախ են և եղանակն էլ առավել քամոտ է: Հյուսիս-արևելյան մուսոնի սեզոնը (նոյեմբերից փետրվար) առավել քիչ տեղումնառատ է: